غلطان يا إبراهيم

مقالة لخيرى رمضان فى المصرى اليوم بتاريخ 30/9/2008

**********************************************

طبعاً غلطان وألف غلطان كمان يا أبو يحيي.. صدقت نفسك يا أبو قلب طيب، وعملت نفسك أسد.. نسيت إنك لابس نضارة قعر كُباية، بتخاف من القطط والضلمة، وغرامك إنك تقعد في وسط الناس علي القهوة، تشرب الشاي مع الشيشة وهات يا أحلام، وبتضحك علي طول من قلبك، ولا همك!
نسيت يا إبراهيم يا عيسي إنك محتاج دايماً «حمام» لوحدك، ما أنت بتطول في القراية والتأمل هناك.. ليه معملتش حساب اليوم ده؟
ماشي يا إبراهيم، كل ده يهون، مقدور عليه، لكن هتعمل إيه مع يحيي وفاطمة، هتقولهم إنك سايبهم في العيد ليه؟ هتقول مسافر، مهاجر، ولا رايح تجيب لهم لعبة؟
يا قلبك يا أخي، هيجيلك نوم في الزنزانة، وحتة من قلبك كل ساعة بتدق وتسأل: ليه بابا ماجاش، ليه ماتكلمش؟
فكر يا إبراهيم وقل لهم الحقيقة، إنك وقّعت البورصة، وكنت سييء القصد والنية - المحكمة مابتكدبش أبدا - لما نشرت ما أشيع عن صحة الرئيس، وإن سألك يحيي «اللمض» يعني إيه سجن؟ قل له بصراحة: السجن هو اللي مايدخلوش اللي موّت ١٠٣٤ في البحر، ولا اللي حرق آلاف في القطر، ولا دفن ناس صاحية تحت الصخر.. ولا اللي شوي مبدعينا وفنانينا في بني سويف.. ولا اللي سرقوا البلد، وحرقوا التاريخ، ونهبو البنوك، وخلوا العيش عزيز ونادر زي الميه.
قل له: السجن في بلدنا يا يحيي، مش للي سرق أو قتل أو نهب أو هدم أو ضرب.. السجن في بلدنا يا ابني للي كتب!
غلطان يا إبراهيم، واخد المسألة جد قوي، محموء علي طول، غضبان، متمرد، عطشان حرية، نسيت إننا خطوة لقُدام، نرجع ورا مية.
غلطان يا إبراهيم، يا صافي القلب والنية.. في السجن هتعيد وهتعيط علي ولادك، علي أصحابك وأحبابك، وتعيد السؤال علي نفسك: هي البلد ماتت ولا البلد حية؟!
بالمناسبة يا إبراهيم، يا ريت المحامي اللي رفع عليك الدعوي يلحق ويرفع دعوي علي هشام طلعت مصطفي، لأنه وقع البورصة؟ ولَّا الاتهام بالقتل من الظلم مساواته بالكلام في الصحة.. في صحتك!
شهرين يا إبراهيم ترجع من السجن شايل وسامك علي صدرك، وضامم بين إيديك حلمك: مصر

الـــوســـيـــة

تعالوا نشوف صندوق الدنيا العجيب
ده بيحكى حكاية شعب طيب وغريب
شعب قاعد فى حتة وسية
لا هى بلد ولا محافظة ، لا دى ابعادية
ماسكها راجل هو وولاده وحاشيته
مع أن الوسية أساسا كانت بعيدة عن سكته
بس نعمل ايه بقى للزمن الغدار
بعد ماكانت البلد من أكبر الكبار
مسكها هو وولاده وخربوها
ولسة طول ما هما عايشين بينهبوها
وأهل الوسية ياعينى طيب وخيبان
ماهو برضه هايعمل ايه ده شعب غلبان
اللى يقوم فيه بكرة فيه يبات
يقول ياكريم هاتلنا الفرج من عندك هات
بس ده آخرهم دول مش بيعملوا حاجة
مش قلتلكم الناس دى فعلا والله غلابة؟
شايفين السرقة والنهب والتهليب
والوسية بتولع خلاص هاتبقى لهيب
أصل الناس ياعينى مش لاقيين
الخيراتمص كله سرقوه ولاد الملاعين
وبرضه تلاقى الناس كلهم ساكتين
تسال طب ساكتين ليه وعلى الظلم صابرين؟
يقولوا ياسيدى أهى دنيا ماشية وأدينا عايشين
خلينا فى حالنا بلاش بس كلام كتير
حد مننا اشتكى؟؟ انت بس بتقول كلام كبير
تقول الراجل اللى ماسك الوسية خلاص كبر فى السن
وابنه مع حاشيته فى البلد بينهب مش بيحن
يحن على الناس الغلابة ويسيبله حاجة يعيش بيها
بس ليه؟ ، دى وسية ابوه وهو هايص فيها
لا والأدهى أن أهل الوسية مابقاش ليهم كرامة
كل يوم ذل وقلة قيمة والناس خلاص بقت تعبانة
المصيبة ان الناس كلها ساكتة مش بتتكلم
والوسية ياعينى كلها مش قادرة بتتألم
الوسية خلاص ياعالم إنتهت وراحت
وهاتبقى حكاية تتحكى ، ألحق الوسية خلاص ضاعت
هاتبقى حكاية شعب وبلد كانت فى يوم عظيمة
مليانة خير ورجالة وكل حاجة حلوة وجميلة
الوسية بقت فرجة وملطشة للى يسوى واللى مايسواش
ورجالتها خلاص ضاعوا ، وحياتهم راحت هدر وبلاش
وكله عشان يخدموا الكبير صاحب الوسية
مش بس هو ، لا هو وكل الرباطية
حكاية الوسية حكاية بجد تخلى العين تدمع
خصوصاُ أنها حكاية بلد رجالتها كانوا بجد مجدع
بس خلاص راح زمن الرجالة والناس الطيبين
وبقى زمن الحرامية والبلطجية والمرتشين
سامحونى ياجماعة الكلام صعب وخطير
بس مقام الوسية فى قلبى فعلاً مقام كبير
بعشق هواها وبموت فى ترابها
دى والله بلد طيبة بس لازم ترجع لايدين ولادها
ولادها الى بيحبوها بجد وبيتقوا اللى خالقهم فيها
مش الحرامية والهليبة اللى عايشين جواها وبيها
يارب ياقادر على كل شئ كان وهايكون
ابعد عن الوسية كل راجل فاسد ملعون
رد لنا كرامتنا اللى راحت واتبعزقت
وثبت رجالة الوسية اللى ياما شافت واطمرمطت
عاوزين يارب بلدنا ترجع حلوة وعفية
مش حكاية تتقال فى الصندوق ، ولا عاوزينها تفضل وسية.

انت مش عاوز تتغير؟

يتميز المجتمع المصري بشئ غريب لا أعتقد أنه موجود في أي مجتمع آخر على وجه الأرض ، وهو تمسكه بمجموعة من التقاليد البالية القديمة التي لم تعد تواكب العصر أو الزمن الذي نعيشه ، وفي الوقت ذاته يتخلي عن التقاليد الجميلة التي تحفظ للمجتمع والشخصية المصرية أصالتها وتميزها.
فمن واقع خبرتي المتواضعة التي لا تتجاوز العقدين من الزمان وجدت مجموعة من السلبيات التي لا نحتاجها في حياتنا وأرى أنها تضر المجتمع أكثر من إفادته ، سلبيات فوجئت بأن معظمها نابع من الشعب المصري ذاته ولم ينزل بها الله من سلطان ، وكلما تزايدت هذه السلبيات رسوخاً كلما تناقصت الإيجابيات النابعة هي الأخرى من الشخصية المصرية .
وحاولت حصر بعض السلبيات التي نبتلي بها في مجتمعنا المصري ، وفي الوقت ذاته حصراً آخر لبعض الإيجابيات التي أرغب في أن تزيد في مجتمعنا لعلنا ننتبه ونتعلم ونصحح الوضع المتدهور الذي نعيش فيه.

· أول هذه السلبيات سلبية النظافة ، ربما يندهش البعض ، ولكني أرى أن هذه نقيصة تنبع من الشعب المصري ذاته .
لماذا لا يستحم المواطن المصري؟ سؤال يطرح نفسه؟ هل يظن مثلاً أن رائحته الكريهة تعطيه عبقاً ساحراً يجذب النساء؟ أم أنه عكس الحديث الشريف " النظافة من الإيمان" إلى عدم النظافة مثلاً ؟ أعتقد كل من يستقل أي وسيلة مواصلات عامة سيعاني من هذه المشكلة خاصة في الصيف الذي ينعقد بين المواطن المصري وبين الدش علاقة عداوة شديدة ،تخيل الوضع معي لو للحظة ، الجو حر نااااااااااار ، وراكبين اتوبيس أو مترو، والدنيا زحمة وخنقة ومش قادر تاخد نفسك تلاقي حد قعد جنبك ريحته عرق شنيع والمشكلة أنه عادي ولا كأنه حاطط بارفان من كريستيان ديور ، في بعض الأحيان استطيع أن أفهم لماذا يقتل الناس بعضهم البعض لأتفه الأسباب.
لا يقتصر الوضع علي المواصلات العامة بل على المراحيض العامة ، ياجماعة أبوس أيديكو شدوا السيفون ، إيديكم هاتتكسر؟ ، الواحد يدخل سينما أو مول أو حتى في كلية أو مدرسة أو أي مكان عام والسلام وتلاقي الحمام غير صالح للاستخدام الآدمي على الإطلاق ، وتسأل ليه كده يقولك مش مشكلة أحنا مش في بيتنا ، مانت اكيد في بيتك كده!!!!
اللي يغيظ ويخلي الواحد يشد في شعره أن الناس بترفض تمشي على الرصيف ، هاتقولولي ايه علاقة الرصيف بالنضافة ؟ اقولكم أن كل أرصفة مصر بلا استثناء ريحتها وحشة وكأن الناس فهمت أن وظيفة الأرصفة مش السير عليها وإنما تسيير أمور أى زنقة يتعرض ليها الواحد وهو ماشي على الرصيف.
أنا عارفة أن النقطة الأولى مقرفة ، أنا نفسي قرفت وأنا بتكلم عنها ومش قادرة أتكلم عنها أكتر من كده.

· تاني سلبية هى التدخل فيما لا يعنيه، الشعب المصري فضولي إلي أقصى درجة ، بيحب النميمة والرغي قد عنيه ، يحب الهوجة واللمة لمجرد أنه يعرف فيه ايه ؟ ، تلاقي زحمة الناس ملمومة علي خناقة جامدة موت والسبب عاوزين يعرفوا بيتخانقوا ليه ، وانتوا مالكم ياحشريين ، خلاف في وجهات النظر خليكم في حالكم .
ده غير إن الشعب المصري بيحب الطوابير قوي ، تروح أي مكان تلاقي طوابير ، طوابير علي العيش وطوابير علي استخراج البطاقات الشخصية أو شهادات الميلاد، طوابير على تذاكر المترو أو عند دفع فاتورة التليفون ، طوابير طوابير طوابير ، أسهل حاجة في الدنيا عند الشعب المصري
تعمل طابور .
ده غير بقي أحسن حاجة في الموضوع ، الشعب المصري بيحب الفتاوى والإشاعات جداً ، أي حاجة يطلع إشاعة أو فتوى من الهوا ، بلزمة أو من غير لزمة ، لمجرد أنه يبقى اسمه أبو العريف أو يبقى منظره مش وحش قدام أي حد بيسأله ، الموضوع ده بيبان قوى لما تسأل حد في الشارع عن عنوان شارع أو حاجة أنت بتدور عليها ، تلاقي الواحد يغمض عين ويفتح عين دلالة على التفكير ويقول " بص ياسيدي انت تاخد يمين في شمال في يمين تاني وبعدين تمشي على طول تلاقي نفسك في المكان اللي انت عاوزه" ، تمشي حسب ماقال تلاقي نفسك في حتة تانية تقابل واحد تاني يقولك " انت ايه اللي جابك من الطريق ده ؟ لالالا انت تمشي شمال علي طول وأول يمين تدخل فيه" وتلاقي نفسك برضه في مكان غلط ، الناس عندها مشكلة إنها تقولك أنا أسف معرفش ، كأنها لو قالتها بتتنازل عن جزء من كرامتها اللي أصلاً معدومة !!!

· آفة الشعب المصري من وجهة نظري هى الواسطة ، الواسطة في كل حاجة فعلا مش بس في الوظايف ، ياريتها تيجي على قد الوظايف وبس ، لو رحت مثلاً أى مصلحة حكومية عشان تعمل أي حاجة تلاقي الموظف كشر في وشك تكشيرة تقطع الخميرة من البيت ويقفلك الدنيا في وشك ويوقفلك المراكب السايرة لمجرد إنك مش من طرف فلان أو علان ، ده غير الواسطة التي لاتفشل ، إنك مش عارف تفتح مخك معاه ومتعرفش شعار " أبجني تجدني ".
ده غير طبعاً الوظائف ، تلاقي الواحد من دول طالع عينه مذاكرة وطموح أنه يبقي حاجة في حياته وتروح منه الوظيفة لمجرد إن دلوع ماما إبن أخت معالي الباشا – بالرغم من إن الألقاب إتلغت رسمياُ بس البشوات لسة موجودين- اتخرج السنة دي بعد 8 سنين فشل وعاوز يشتغل ، وانت اللي محتاج الوظيفة أكتر منه مش عندك عمو الباشا، يبقى مالكش حق تعيش أو تشتغل!!!
المصيبة بقى أن الواحد من دول يقعد في منصب من هنا، ويمسك فيه في إيديه وسنانه لمدة طويييييييييلة جداً يمارس بقى رؤيته الخاصة اللي غالباً بتكون لصالحه ، ويطلع في التليفزيون ماسك سبحة وعلامة الصلاة في دماغة ايه وكرشه قدامه 5 متر ، ويقولك أحنا بنوفر 1000000000000 فرصة عمل للشباب عشان عاوزين أفكار جديدة لأن دي سياسة الحزب اللي بننتمي ليه اللي دايما بعتمد على الوجوه الجديدة إنطلاقاً من مبدأ تكافؤ الفرص أمام الشباب !!!!

· الدجل والشعوذة والأفكار الخاطئة التي يتميز بها المجتمع المصري ، المجتمع بيصرف فلوس كتيرة جداً علي الدجل والعرافين والمشعوذين ، الواحدة تدفع قد كده عشان تتجوز أو تضر واحدة أو تخطف جوز واحدة أو تربط جوزها جنبها ، والمشكلة أن كل ده نصب في نصب ، والمصيبة الأكبر أن اللي بيلجأ لكل ده بيدخل في حكم الملحد أو المشرك والعياذ بالله
المصيبة الكبرى بقى زيارة الأضرحة ومقامات أولياء الله الصالحين –وما أكثرهم في مصر- ، تلاقي الواحد متعلق بمقام السيدة زينب أو سيدنا الحسين " والنبي يأم هاشم – ولد يأم هاشم – مدد يا حسين مدد " ، وده كفر ، والله العظيم كفر ، ربنا هو اللي بإيده كل شئ ، تحاول تفهم الناس دول كده يبصولك كأنك إنت الكافر ، إزاى تقول كده علي ناس مبروكة زى دول ، يبقوا عاوزين يموتوك وإنت واقف ، تقولهم حرام ولا هما هنا .
سؤال بقى كده على الماشي، كلنا عارفين إن السيدة زينب ورأس سيدنا الحسين فقط – رضي الله عنهم- مدفونين في مصر، محدش سأل نفسه مرة مين السيدة عائشة " السيدة عيشة" اللي مدفونة في مصر ؟ أوعى حد يقولي دي السيدة عائشة زوجة الرسول عليه الصلاة والسلام معروف إنها دٌفنت المملكة العربية السعودية ، طب تبقى مين دي بقى اللي مدفونة عندنا والناس بتتبرك بيها وتروح تصلي عندها؟؟؟ سؤال يطرح نفسه.

· آخر السلبيات التي أود الحديث عنها هي سلبية لا أعتقد أننا نستطيع التخلص منها قريباً ، وهي ليست سلبية بقدر ماهى لعنة أٌصبنا بها منذ عام 1981 ومازالت مستمرة حتى الآن ، وهى لعنة " مبارك" ، من ساعة ماتولدت وبابا حسني هو ريسنا ، هو اللى مأكلنا واللي مشبعنا ومهنينا ، كبرت شوية وقالولنا " اخترناك وبايعناك وإحنا معاك لماشاء الله " وتقريباً الجزء التاني بس هو الصح ، لأن معتقدش أن أى حد محترم إختاره أو بايعه زى ما الأغنية قالت ، إنما هي حبة نفاق علي شوية إبتذال ساذج طلعتلنا أغنية سخيفة أتحققت للأسف والمصيبة إنه مصدق .
كبرت أكتر وبابا حسني لسة موجود وعايش على وش الدنيا ، والمصيبة إن الناس بدأت تتكلم عن التوريث وإن جيمي مبارك هايبقى ريسنا القادم ، والمصيبة الأكبر إن الناس ساكتة ومش بتتكلم ، وكأنها راضية بالموضوع وعادي ، مبارك راح وأهو إبنه جه ، ايه الجديد؟
الجديد سلبية جديدة طلعت بيها وهي سلبية الشعب المصري نفسه، المصريين مستسلمين ومستكينين وعادي ، ياعم خلينا في حالنا ، بلاش نتكلم ، عندنا عيال عاوزين نربيها ، محدش بينام من غير عشا ، والنتيجة ظلم وفساد وتخلف والبلد بترجع لورا مش بتتحرك لقدام .
أعتقد إن دي أسوأ سلبية اٌبتلينا بها ونابعة من الشخصية المصرية الأصيلة ، أصل الموضوع ده من أيام الفراعنة، المشكلة إن هو كمان مغيب عقلياً وبيعتمد على كلام بطانته اللي للأسف بتنافقه وبتقوله كلام غير الواقع ، خايفة يحصل نفس اللي حصل للملك سيتي الأول الذي حكم مصر واستمر حكمه عمراً طويلاً حتى أعتزل الحياة لكبر سنه ، حاشيته تصور له أن مصر جنة الله في الأرض ، الناس كل يوم بتاكل لحمة ، والعيش كتير بس هما اللى بياكلوا كتير ، الناس بتروح تشجع المنتخب وكل اللي شاغلها قضية حسنى عبد ربه والحضرى ، المشكلة إن فرعون مصر لم يعلم أن الشعب المصري بياكل لحمة حمير وقطط وكلاب ، وإن مفيش دقيق أصلاً عشان العيش ، النتيجة إن الشعب قام بثورة ضد الفرعون سيتي الأول وأعدموه ، راجعوا التاريخ ياجماعة بيقول كلام كله حكم ،وصدقوني كتير جدا التاريخ بيعيد نفسه.


تحدثت كثيراً عن السلبيات دون أن أتحدث عن الإيجابيات ، حد يسألني " هو بعد كل ده فيه إيجابيات ؟" آه طبعاً فيه ، كل حاجة في مصر حلوة وجميلة ، بس إحنا اللى بنوحشها بإيدينا ، العيب مش في البلد ، ربنا أعطي هذه البلد كل ما تحتاجه من خير من قديم الأزل ومازال الخير مستمر طول ما النيل مستمر ، النيل اللى هو رمزنا وتاريخنا ، بتحكي تاريخ رجالة عملت حضارة كانت أساس لكل الحضارات ، بيحكي عن البنات الحلوة والشباب السمر اللى دمهم خفيف ، بتحكي عن جيوش أتهزمت علي ايديهم ، وبيحكي عن بلد محدش قدر يكسرها غير ولادها ، ولادها اللى ساكتين على الظلم اللى بيحصل فيها ومش بيتحركوا لأنهم خايفين يتغيروا للأحسن، ايه مش ناويين تتغيروا ؟ ؟؟؟

وقفة مصرية... قوم اقف وانت بتكلمنى

فى أثناء جولاتي فى قاهرتنا العزيزة ، لاحظت انتشار إعلانات غبية مستفزة على عواميد الإنارة المظلمة ليلاً والمنارة نهاراً كالعادة ، كإعلانات " وقفة مصرية" – " وقفة مع نفسنا .. نرتاح كلنا " ، الإعلانات بصراحة استفزتني من ناحيتين ، ناحية دراسية بحتة لأني دارسة للدعاية ، وناحية " مصرية " من منطلق إني مصرية برضه ، ولازم أقف مع نفسي .

نتكلم الأول عن الوقفة المصرية اللي استفزتني أكتر ، فمن ضمن الحاجات اللي شفتها فى الإعلانات " وقفة مع نفسنا نتعلم كلنا " سالت نفسي ، نتعلم ايه وليه ؟ خلينا بس صرحا مع بعض ، مناهج التعليم فى مصر مصممة بحيث تحول اينشتاين لأغبى حمار فى الدنيا ، مناهج كل هدفها الحشو والمط والتطويل وقواعد غبية عفا عليها الزمن ومصممين يعلموها للأطفال ، مع إن الطفل المصري من أعلى معدلات الذكاء فى العالم ، وبعدين يتعلم ازاي يعنى فى ظروف لا تصلح أصلا لتعليم رعى الغنم ، الفصل فيه اكتر من 60 طالب ، مفيش حوش ، مفيش وسائل مساعدة ، مفيش مدرسين فاهمين ولا واعيين ، أهم بيحفظوا العيال وخلاص ، مفيش ... مفيش ....، أنا طبعاً بتكلم عن الفئة الغالبة من الشعب المصري مش بتكلم عن المدارس الأمريكاني والبريطاني والفرنساوي ، أصلى مش بعتبرهم من هنا ، إحنا ناس عرب والمفروض نتعلم العربي ، مالنا إحنا ومال الناس التانية؟
ندخل بقى علي الجامعة ، الشاب من دول يا ولداه داخل عارف أن " طريقه مسدود مسدود مسدود " ، أصلاً التعليم برضه مش بيشجع ، دكاترة عقلهم وقف عند مرحلة معينة مش بيتقدم لا بيتأخر ، وعندهم كلاكيع الدنيا والآخرة بيطلعوها على الشباب الغلبان ، ده غير بقى لما يتخرج ، مش لاقى وظيفة لان المفروض يبقى الانجلش بتاعه برفكت والكمبيوتر اكسلنت ، والحاجات دي عاوزة فلوس ، طب يجيب منين؟ .

النقطة دى بقى مرتبطة بنقطة تانية معمولة في إعلان تاني من إعلانات الوقفة المصرية ، " نحكم عقلنا نشتغل كلنا " يعني نعمل ايه يعنى؟ قلنا إن الشاب من دول بيحفى لغاية لما يخلص تعليم ، ولو عرف ياخد كورسات يبقى واد فتك وجامد ومية مية ، بس ناسي أهم مشكلة ، الواسطة ، يجيب واسطة منين عشان يشتغل؟ ده لو عاوز يشتغل أوفيس بوى " ساعي يعني" في أى شركة عاوز واسطة ،طب يعمل ايه؟ ولو لقي وظيفة مش أد طموحه وأحلامه واللي هو عاوزه لنفسه ، المفروض الاعلان ده يبقى نفتح مخنا نشتغل كلنا ، يعني ادفع للواسطة من سكات وإنت عارف عشان تشتغل ، ومش هاتكلم فى النقظة دي كتير عشان بتخنق الصراحة.

نيجي بقى لوقفة مهمة جدا ، وهي وقفتنا مع الأكل " الفود يعنى " ، اعلان حلو كده مكتوب عليه " نحكم عقلنا نشبع كلنا " وتحتيها كده رغيف عيش طازة وحلو ومية مية ، طب سؤال هنا للعبقري اللى عمل الإعلان ، هو فين العيش أصلاً ؟ إنت ناسي يامحترم إن فيه أزمة عيش؟ محدش قاله إن الناس الغلبانة مش لاقية عيش عدل عليه القيمة ولو لقت بيبقى عيش غير صالح للاستخدام الآدمي ، لا طبعاً اللى عامل الحملة الإعلانية دى بالنسبة ليه الناس كلها بتاكل ريتش بيك وفينو توست وكايزر ،ومستخدم الرغيف البلدي على أساس بيقول ياجماعة بلاش تاكلوا فينو وكلوا بلدي ورشدوا الاستهلاك.

وإذا كان قصده ترشيد الاستهلاك ، فنرشده إزاى يعني؟ جاى تغير عادات غلط في الأكل بقالها 7 آلاف سنة بحملة إعلانية عبيطة زى دى؟ إنت حتى مستخدمتش المدخل الدينى ، لا إنت اعتبرت أنك بتكلم أطفال ، بتديهم نصايح زى " أغسل يديك قبل الأكل وبعده " ناقص تقولهم اغسلوا رجيلكم واشربوا اللبن عشان فيه كالسيوم ، الموضوع ده كمان على الحملة الخاصة بمياه الشرب ، نحكم عقلنا نشرب كلنا حاجة زى كده ، طب ما تيجى كده تقول الكلام ده لقرى الدلتا اللى تقريبا من أول رمضان مش لاقية نقطة مية فى عز الحر ، وغيرهم المية عنده كتير لدرجة انه مش بيشرب مية من الحنفية ، ياى بيئة ، اجنا بنشرب مية معدنية بيور ، طب تقول ايه للناس دى يعنى؟ ، هاتقولهم نحكم عقلنا نشرب كلنا ، ده كلام بالذمة ؟ بجد هاتنقط.

الحملة الاعلانية دى من الناحية الفنية والاجتماعية تافهة وهايفة وغلط فى غلط ، يا استاذة ياللى مفكرين نفسكم بتفهموا فى الدعاية والاعلان ، لو انتو كنتو دارسين حاجة عن الحملات ، كنتو تعرفوا ان أ ب حملات دعائية هو دراسة الجمهور المستهدف ، ايه بقى الدراسة اللى استندتوا عليها؟ رحتوا بلد تانية عملتوا فيها دراسة ورجعتوا؟ ، انتو عايشين معانا فى البلد دى؟ ، ياجماعة البلد دى ماينفعش معاها وقفة ولا يحزنون ، دى لازملها كده تغيير جذرى ميتعملش بحملة زى دى ، الحملة بتاعتكم دى تبلوها وتشربوا ميتها عشان لا حياة فيمن تنادى ، الشعب ده لو كان عاوز يحكم عقله كان حكمه من زمان لما كان عنده عقل ، بس دلوقتى جاى تقوله نحكم عقلنا نرتاح كلنا؟ هو فين العقل ده يا سادة؟ اول دليل على ان مفيش عقل عند الشعب المصرى هو حملتكم دى ، مفيش عقل ، يبقى مفيش تحكيم للعقل ، يبقى مفيش وقفة مع نفسنا ، يبقى مفيش شعب ، يبقى ايه؟ يبقى قوم اقف وانت بتكلمنى.

هو احنا مين بيحكمنا؟

هو احنا مين بيحكمنا؟ السؤال ده بيطرح نفسه على دماغى كتير اوى اليومين دول ، هو مين ريسنا؟ هو احنا اصلا لينا رئيس؟ ، من صغرى والسيد الرئيس " محمد حسنى مبارك" اطال الله عمره وبقائه هو ريسنا ، حتى لما درست تاريخ فى الثانوى وامتحنونا فيه قالولنا هو ريسنا طول عمرنا ، اتولدنا ومفيش غيره قدامنا ، وحتى بعد ما يقابل وجه كريم- وهو فى عز شبابه- بعد عمر طويل يارب ، اسمه هايفضل دايما معانا فى وجود ابنه رمز الشباب حبيبنا جمال محمد حسنى مبارك ، المهم دلوقتى محدش بيسمع حاجة عن ريسنا ، هو ريسنا فين ؟ اصل انا كل يوم بفتح الجرايد واتفرج على القنوات كل يوم على مصايب بتحصل فى البلد ، ولا الحكومة بتطلع تتكلم ، ولا ريسنا حبيبنا بيقول حاجة ، طب هو فين؟

لما الثانوية العامة تحصل فيها فضايح ، وولاد الناس ياخدوا الامتحانات على الجاهز ، وولاد "......" الشعب – محدش يفهمنى غلط- يكعوا اللى وراهم واللى قدامهم فى الفاضى ، خصوصا ان وزير التعليم ذو الرؤية التعليمية العالية حالف يمين طلاق بالتلاتة ماحد حايجيب مجموع اكتر من 70% السنة دى ، والناس والعة وشايطة ، الريس مظهرش ليه عشان يهتم بالمسالة دى شخصيا ؟ هو برضه مش العيال بتوع الثانوى دول مصريين وهو رئيس مصر؟

لما يبقى الناس محبوسين فى العقبة مش لاقيين سفن تجيبهم بلدهم ، ولا عارفين يرجعوا تانى من الحتة الى جايين منها ، والناس متبهدلة اخر بهدلة ، الريس ليه ما امرش وزارة الخارجية بالاهتمام بالموضوع، مش الناس دى برضه معاهم الجنسية المصرية ، وهو رئيس مصر؟

لما ازمة العيش مستمرة ، والناس مش لاقية عيش ، ولو لقته يبقى غير صالح للاستخدام الآدمي ، وطويل التيلة- ربنا يوقف نموه- اعلن من تلات شهور ان المشكلة هاتتحل فى شهر ، الريس ليه ماتدخلش عشان يحل المشكلة ، او يحاسب رئيس الوزرا على كلامه الكذب ؟ ولا ايه الحكاية؟

لما الناس فى عز الحر اللى احنا فيه مش لاقية نقطة مية واحنا فى بلد النيل ، وقاعدين يصرخوا فى كل حتة ، عطشان ياصبايا دلونى على الرئيس ، ولا حياة فيمن تنادى.

لما الناس ماشية تقتل بعضها فى كل حتة ، وبقى عادى تتخانق مع واحد ، وعشان تاخد حقك تروح تجيب عيلتك وجيرانك وبالبنادق والرشاشات تروح تقتل فى اهل اللى اتخانقت معاه ، والشرطة فى خدمة الشرطة والهليبة اللى بيسرقوا البلد ،انما الشعب ابن " ...." الشعب – برضه بتفهم غلط- يموت مش مشكلة ، ليه ريسنا حبيبنا مش بيخرج يحاسب الشرطة انها ساكتة ومش بتتكلم ولا بتحفظ الامن فى البلد ، هو احنا مش فى مصر برضه؟
لما الاخ القصير المكير ابن العز قاعد يسرق فى اموال الناس الغلابة ، ويحتكر الحديد ويرفع سعره ، وبالتالى رفع اسعار كل حاجة تانية ، ومحدش قادر يحاسبه ، ليه هو مطلعش يحاسبه؟ ولا احمد عز مثلا معاه جنسية امريكانى ؟

حاجات كتير اوى عاوزة اقولها بس المشكلة مش حالاقى مساحة اكتبها ، بس برضه محدش جاوبنى ، هو احنا فين ريسنا ؟ انا اخر مرة سمعت ان لينا ريس كانت من فترة لما قالولنا ان الريس بتاعنا عمل حلوان و 6 اكتوبر محافظات ، ولو انى لغاية دلوقتى مش فاهمة الحكمة العليا من القرار ده ، بس اكيد مدام هو اللى عمله يبقى حلو ، وكمان بعدها سمعت ان الريس احتفل بعيد ميلاده ، وصل 80 سنة ماشاء الله ربنا يديم عليه الصحة ، وطلعت بقى الجرايد الحلوة الجميلة اللى بطلت اشتريها عشان انا وحشة وما ستحقش اشترى الدرر دى ، طلعت الجرايد وقالت ان يوم عيد ميلاد ريسنا هو " يوم ان ولدت مصر" ، طب انا طول عمرى اعرف ان مصر بقالها اكتر من 7 آلاف سنة مولودة ، يبقى الريس عنده 8 آلاف سنة؟ طب هو فين طول المدة دى ؟ مش بيظهر ليه؟ مش بيتدخل فى شئون الدولة ليه؟ مش بيحاسب الحرامية والمرتشين ليه؟ مش بيطلب من الناس تتقى ربنا ليه؟ هو برضه مش من اولى الامر؟ مش هو احنا برضه كمصريين مسئولين منه وحايتحاسب بسببنا؟ ولا هو نسى ؟ ولا احنا من نوع وهو من نوع ؟
ياناس حد يقولى مين ريسنا؟ مين بيحكمنا ؟ لما نخاطب حد هانخاطب مين؟ يامبن يجيبل ريس اقدر اقول الراجل ده بيحكمنا؟

الحدق يفهم:
من الواضح عشان يبقى لينا رئيس اننا نغير جنسيتنا ، او نروح نطلب اللجوء السياسى لدولة فلسطين ، ماهو مش بيهتم الا بيها ، انما الشعب ابن "...." مصر –تانى بتفهم غلط- مش لازمه فى حاجة ، ولا ايه؟

المذنبون- خواطر واحدة صايمة

حد شاف فيلم المذنبون؟
الفيلم ده للى مش عارف ممنوع من العرض لاحتوائه على مشاهد جنسية فاضحة ، ولكن بعيداً عن المشاهد الاباحية ، فالقصة نفسها بتدور حول ممثلة مشهورة بتتعرض للقتل ، وعشان يكشفوا القاتل اكتشفوا فى السكة جرايم كتيرة جدا كان ابطالها ناس كبيرة فى المناصب ، وناس تانية غلبانة ، يعنى واحدة اتقتلت كشفت وراها بلاوى.

انا ليه بتكلم عن الفيلم ده؟
أصلى شايفاه بيتمثل قدامى بس بشكل تاني ، الممثلة بقت مطربة اتقتلت برضه فى عز شبابها ، واتقتلت بسبب الحب برضه ، بس المرة دى اتقتلت بسبب حب التملك والسلطة عند واحد من رجال الاعمال الكبار ، وهنا بقى نسأل سؤال ، إذا كان الراجل ده وهو من أباطرة رجال الأعمال " المسيسين" واللى ناهبين البلد بيقتل لمجرد ان محدش ياخد واحدة منه ، يعنى روح الانسان اصلا رخيصة عنده ،فياترى بيعمل ايه فى حد واقف قدامه فى صفقة أو بيحاول يكشف فساد هو بيمارسه ، ياترى مصير اللى يقف قصاد الراجل ده أو أى حد تانى يبقى ايه؟ ، ولما ده واحد من الكبار وبيعمل كده ، أمال اللى اكبر منه بيعمل ايه؟

سيبنا من المذنببن الكبار ، أصلهم معروفين وريحتهم فايحة وتقرف خلينا مع المذنبيبن الصغيرين.

مذنبون 2008 أخذوا جزائهم على جريمتهم ، والعقاب كان شديد أوى ، مع أنهم
مارتكبوش جريمة يعاقب عليها القانون ، جريمتهم ياجماعة كانت أنهم سكتوا على الظلم والفساد ، السكوت على حاكم ظالم واستبداد اله صنعوه وعبدوه ، كانت النتيجة أن ربنا خسف بشوية منهم الأرض ودك الجبل فوق دماغهم عشان يحذر الباقى منهم ويقولهم أنا الله العظيم الأعظم ، خلى الإله اللى انتو بتعبدوه ينفعكم ، بصراحة يستاهلوا ، هما أساساً كده كده ميتين ، مش هما بس ، كلنا ميتين من زمان بس عاملين نفسنا عايشين.

ناس هاتقولى انتى قاسية ليه فى كلامك؟ ليه بتتجنى على ناس ماتت وهما مش حاسين ولا واخدين خوانة؟ ارد واقول انا لسة مقلتش ربع اللى جوايا ، أنا نفسى يجيلنا عذاب زى عذاب قوم هود ولا صالح ولا لوط ، هاتقولولى يا ساتر يارب ليه كده؟ اقولكم لاننا منفرقش عنهم حاجة ، كل حاجة هما عملوها واتعاقبوا عليها إحنا بنعملها ومع ذلك ربنا صابر علينا ومعذبناش زيهم.

كفر و إلحاد حصل ، امشى فى نهار رمضان هاتلاقى السب بالدين عادى جداً من ناس المفترض أنها موحدة بالله ومسلمة ، إفتراء وطغيان وكبر موجود فى كل حتة ، الكبير بيدوس على الصغير والقوى يطحن الضعيف كأننا عايشين فى غابة مش بشر ليها عقل وقلب ومشاعر وضمير ، الزنا والشذوذ وزنا المحارم بقى هو السائد الا ما رحم ربى، ايه تانى ناقص عشان ما ينزلش علينا العذاب؟ احنا بجد وصلنا للقمة ، أصل لا قوم هود ولا صالح ولا لوط ولا نوح ولا حتى قوم فرعون كانوا مسلمين ولا موحدين ، دول كانوا بيعندوا وبس ، إنما المصيبة بقى إننا مؤمنين وموحدين ومسلمين ، عارفين ان فيه اله عادل هنقابله ونقف قدامه ، عارفين يوم ما آمنا بيه بجد كنا أعظم أمة حكمت العالم ، ولما نسيناه بقينا أحط أمة فى العالم .

أيوة يا جماعة بلاش تكابروا ، احنا مذنبين ، مذنبين لأننا خايفين ، مذنبين لأننا ناسيين، مذنبين لأننا خلاص فكرنا أن الدنيا آخر همنا ،مذنبين عشان الكبير بقى بيقتل ويدفع فلوس عشان يقتل ، والصغير بيسرق ويحط ايده فى جيب اللى جنبه ، مذنبين عشان سكتنا وقلنا ياحيطة دارينى وأهى دنيا وعايشينها ، مذنبين عشان بنشوف ناس بتموت كل يوم ميتة شكل وبنعتبرها حاجة بنكسر بيها روتين حياتنا والسلام وكأن اللى ماتوا دول شوية دبان ولا نمل ، مذنبين عشان مفكرين ان ربنا حكم علينا بكده ، لا والله ، على فكرة الذل والمهانة اللى احنا فيها دى نوع برضه من انواع العذاب ، بس عشان تعرفوا ان ربنا رحيم بينا بجد اصل لو كان اله تانى كان تفنن فى عذابنا ، بس سايبنا للآخر ومش هايتدخل ، " ان الله لا يغير ما بقوم حتى يغيروا ما بأنفسهم " ، لازم احنا نتغير عشان ربنا يساعدنا إنما احنا مذنبين وعمرنا ما هانتغير ، خلينا كده ، خلى الحساب يتقل والعذاب يكبر ، واحنا مذنبين ولازم نتعاقب ومحدش يزعل ويقول انا مالى ، احنا كلنا بلا استثناء مذنبين.

تابع حملة لمساندة بنك الطعام المصرى

فيه ناس ممكن تقولى احنا عارفين الكلام ده كله ، وعارفين ان الصدقات بتغفر الذنوب ، وعاوزين نتصدق ، بس البلد اللى احنا فيها دى متستحقش، انا اعرف منين أن المشروع اللى معمول ده كويس؟ اعرف منين ان تبرعى او تطوعى ممكن يعمل فرق فى البلد ؟لو انت بتحب البلد دى بجد من غير زواق فى الكلام ، ولو انت عاوز تعمل حاجة بجد للبلد دى عشان تبقى احسن ، يبقى لازم نشيل النظرة التشاؤمية دى من دماغنا ، ونؤمن ان البلد دى هاتتغير بينا احنا مش بايد حد تانى ، ولو كل واحد فينا فضل يعتمد على التانى انه يتحرك يبقى كلنا مش هانتحرك ولا هانعمل حاجةمشكلة البلد اللى احنا فيها مش فى الحكومة ولا الحاكم ، المشكلة فينا احنا ، احنا اللى اخدنا على السلبية واللامبالاة وعدم الاهتمام بالآخر ، كله بيقول نفسى نفسى.ولو انت عاوز تعمل حاجة ولو بسيطة للتغيير يبقى تشاركنا وتساعدنا وتدعم الحملة دى ،عشان تغير للاحسن ، وده مش كلام بحاول اقوله عشان اخلى الموضوع حلوـ لا ، احنا لو ماتحركناش ممكن نبقى فى مشكلة كبيرة وكارثة انسانية ، عارفين ليه؟ مش بس عشان احنا مش عاوزين نتغير ، لا ، عشان كمان للاسف فيه سلوكيات غلط فى غلط بنعملها كل يوم ومش عارفين اثرها علينامن اهم السلوكيات الغلط اللى بنعملها ، واللى كمان مرتبطة بموضوع الحملة "الاسراف "، احنا مسرفين فى كل حاجة ،وخصوصا الاكل ، المشكلة اننا مقبلين على رمضان والاسراف بيبقى على ودنه ، وكأن الصيام ده مش لتطهير النفس من الذنوب والمعاصى ، لا ده عشان الناس تاكل وتتبسط ،والله فى ناس بتاخد رمضان ده تسالى اكل ونوم وفسح وخروج!!!!ياجماعة الاسراف والتبذير مصيبة فى حد ذاته ، عارفين ازاى ؟ اقولكم ازاىالإسراف والتبذير داء فتاك يهدد الأمم والمجتمعات، ويبدد الأموال والثروات، وهو سبب للعقوبات والبليات العاجلة والآجلة. فمن ذلك أن الإسراف سبب للترف الذي ذمه الله تعالى وعابه وتوعد أهله في كتابه , إذ قال تعالى: ﴿وَأَصْحَابُ الشِّمَالِ مَا أَصْحَابُ الشِّمَالِ (41) فِي سَمُومٍ وَحَمِيمٍ (42) وَظِلٍّ مِنْ يَحْمُومٍ (43) لا بَارِدٍ وَلا كَرِيمٍ (44) إِنَّهُمْ كَانُوا قَبْلَ ذَلِكَ مُتْرَفِينَ)الإسراف والتبذير يؤدي إلى إضاعة المال وتبديد الثروة، فكم من ثروة عظيمة وأموال طائلة بددها التبذير وأهلكها الإسراف، وأفناها سوء التدبير، فاتقوا الله عباد الله فإن الله نهاكم عن إضاعة المال ففي حديث المغيرة قال: سمعنا رسول الله صلى الله عليه وسلم يقول: ( إن الله كره لكم ثلاثاً قيل وقال وإضاعة المال وكثرة السؤال) رواه البخاري ، كما قال الله تعالى: ﴿وَأَنَّ الْمُسْرِفِينَ هُمْ أَصْحَابُ النَّارِ﴾. عباد الله إن الإسراف سبب من أسباب الضلال في الدين والدنيا، وعدم الهداية لمصالح المعاش والمعاد، قال الله تعالى: ﴿إِنَّ اللَّهَ لا يَهْدِي مَنْ هُوَ مُسْرِفٌ كَذَّابٌ﴾( وقال سبحانه: ﴿أَفَنَضْرِبُ عَنْكُمُ الذِّكْرَ صَفْحاً أَنْ كُنْتُمْ قَوْماً مُسْرِفِينَ﴾( وقال سبحانه: ﴿كَذَلِكَ زُيِّنَ لِلْمُسْرِفِينَ مَا كَانُوا يَعْمَلُونَ﴾). أيها المؤمنون إن من عقوبة الله تعالى للمسرفين أن جعلهم إخواناً للشياطين فقال سبحانه: ﴿وَلا تُبَذِّرْ تَبْذِيراً * إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُوراً﴾). فاتقوا الله عباد الله وذروا ظاهر الإثم وباطنه، واعلموا أن الإسراف يشمل جميع التعديات التي يتجاوز بها العبد أمر الله وشرعه سواء كان ذلك في الإنفاق أو في غيره فتوبوا عباد الله من الإسراف كله فإن الله دعاكم إلى ذلك فقال: ﴿قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ * وَأَنِيبُوا إِلَى رَبِّكُمْ وَأَسْلِمُوا لَهُ مِنْ قَبْلِ أَنْ يَأْتِيَكُمُ الْعَذَابُ ثُمَّ لا تُنْصَرُونَ﴾(11). أيها المؤمنون إن ما تصاب به النفوس عند الغنى وكثرة العرض ووفرة المال التجاوز والطغيان قال الله تعالى: ﴿كَلَّا إِنَّ الْإنْسَانَ لَيَطْغَى * أَنْ رَآهُ اسْتَغْنَى﴾، فقد ظهر في حياة الناس مظاهر الإسراف والتبذير؛ فمن هذه المظاهر ومن تلك المعالم التي تورط فيها كثير من الناس اليوم الإسراف في المآكل والمشارب، فترى من الناس من يجتمع على مائدته من ألوان الطعام وصنوف الشراب ما يكفي الجماعة من الناس، ومع ذلك لا يأكل إلا القليل من هذا وذاك ثم يلقي باقيه في الفضلات والنفايات، فليت شعري أنسي هؤلاء المسرفون أم تناسوا أن من الناس أمماً يموتون جوعاً، لا يجدون ما يسدون به حرارة جوعهم ولظى عطشهم أم نسي هؤلاء قول الله تعالى: ﴿ثُمَّ لَتُسْأَلُنَّ يَوْمَئِذٍ عَنِ النَّعِيمِ﴾. انت ناسى ان كل واحد فينا هايتسأل ؟ انت انفقت مالك وشبابك وحياتك كلها فى ايه؟سيبك من عقاب ربنا فى الدنيا والآخرة ، بس عاوزاك تبص للصور دى وقارن بين ناس بتاكل وبتشرب وبترمى الاكل وناس تانية مش لاقية حتى نقطة المية
في أحد الأماكن وجدت هذه الصورة[/font]قد تكون صورة عادية أو فلنقل مقبولة!ولكن مارأيكم بهذه!ليست واضحةنقربها إذاً أكثروأكثر للتتضح الكارثةعادي ! طبيعي ! وغير مستغرب أبداًمادامت ولائمنا بهذا الشكلومادامت مهازلنا بهذا الفحشهذا صحن ضخم جدا وضع فيه أحد اثرياء الخليج ثلاثة جمال كبيره وثلاثه صغيره وسبعه خرفان من الحجم الكبيرلا تسأل أي المشكلة فالجواب واضحلاحظ عدد المدعويين وقارنه بكمية الطعام الهائلة!أما نستحيي من الله!ألا نخشى أن تزول هذه النعم التي لم نشكر الله تعالى عليهاألم نسمع قول الله تعالى
{وَلا تُبَذِّرْ تَبْذِيراً * إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورا}وقوله تبارك وتعالى{ثم لتسألن يومئذ عن النعيمِ}
!بماذا سنجيب عندما نسأل عن هذا النعيم! فلماذا كل هذا التبذير والإسراف!..لا تذهبوا بعيد فلم ينته الموضوع بعدتعالوا نتأمل حال أخواننا المسلمين الذين أبتلاهم الله بنقص من الأموال والنعم'هل مددت يدك لغيرك يوماً لتجد 'قوت يومك..إذاً فأحمد الله ربك على نعمتهوأنظر لحال هذا!أتظن أن هناك مايعصمك من أن تكون مكانهلا وربي إلا أن الله شاء لك أن تعيش حياة كريمة!..ولكن أتضمن أن تستمر على هذه الحالألديك عائلة وأطفال؟!هل رأيت يوماً طفلك يموت جوعاً وأن لا تجد ماتطعمهعذراً أنا لا أتحدث عن أفخر انواع الحليب والشكولاه'أنا أقصد مايكفي 'ليعيش فقط..إذا فأحمد الله ربكفكثيرررر من أطفال المسلمين يموتون جوعاً!ماهو لبس أطفالك في الشتاء؟سأعذرك إن بدأت بسرد تلك الماركاتولكن ألومك لو ذكرت أسماء أشهر المحلات التي تشتري منها عشرات الالبسة الشتوية لأطفالك لتلبس شهر أو شهرين ثم يكون مصيرها كالعادة سلة المهملات!!فأنظر لأطفال المسلمين ماذا يلبسوننعم ! لا تندهش ، فهناك أطفال لا يجدون مايلبسونه، ولا حتى أبسط الملابسهل سألت نفسك يوماً ماذا يأكلون؟!نعم أنه الفتاتالفتات الذي تدوسه أنت وغيرك دون أن تلقي له بالاًهل تخيلت يوماً أن الجوع قد يصل بالإنسان ليرضى أن يأكل أي شيء؟!!!نعم أنا أعني ماأقول أي شيء!هل سألت نفسك ماذا ستفعل لو لم تجد الماء..بالطبع سأعذرك لو قلت سنشتريه من أقرب مورد للمياهولكن أنظر ماذا يفعل من لا يجد الماءفأحمد الله على نعمه التي لا تعد ولا تحصىهل فكرت يوماً بالنعمه التي تعيشها؟!هل تدرك ماذا يعني أن تموت أم بين يدي طلفها؟!لا تظن أني أعرض عليك صور من نسج خيال أحدهم..بل هذه كلها صور واقع مر يعيشه أخوانك المسلمين في بقاع العالمأعذرني عزيزي القارئ سأختم بهذه الصورةلن أعلق أنا عليهاسأدع التعليق لكولكن سأقول شيئين الأول أن هذا الطائر لا يأكل إلا الجيف!بالتالي ماذا ينتظر؟!!!!!ثم مالذي يحميك لو أرادك الله أو أبنك أو قريبك مكان هذا الطفل[font=Arial Black]قال تعالى{ أَمَّنْ هَذَا الَّذِي يَرْزُقُكُمْ إِنْ أَمْسَكَ رِزْقَهُ بَلْ لَجُّوا فِي عُتُوٍّ وَنُفُورٍ}وأعلم أن دوام النعم وحفظها يكون بشكر الله تعالى عليهافقد قال سبحانه وتعالى{ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ }فالإسراف والتبذير قد يكونان سبباً ليس في زوال النعم فحسب بل بهلاك العباد والبلادقال تعالى{ وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا }فلينظر كل منا حوله ولنستشعر حجم النعم التي أنعمها الله عليناولندرك جميعاً حقيقة كرم الله سبحانه وتعالى معنا وبخلنا على أنفسنا وإسرافناديننا حث على الكرم ولكنه في الوقت نفسه حرم الإسراففليس كرماً أن تدعو شخصين على كبشولا حتى أربعة على جملوتذكر أخوانك المحتاجين في كل وليمة .. وصدق أو لا تصدقأن قطعة واحد قد تكفي عائلة كاملةوإن كنت لا بد مسرف فأضعف أضعف الايمان أن توصل الفائض من الطعام لإحدى الجمعيات الخيرية ، أو تتصل عليهم ليرسلوا مناديبهم لاستلامهاهاه؟ شفت؟ صدقنى ، الاتنين مسلمين زى وزيك ، بس فيه فرق ، دول ناس مسرفين فى الاكل والشرب والملذات ، ودول ناس بيموتوا من الجوع، تحب بلدنا تبقى كده؟احنا على فكرة لو سكتنا ممكن نبقى فى يوم من الايام كده ، مفكرنى ببالغ ، لا طبعا مش ببالغ ، البلد ممكن تضيع مننا لاننا سكتنا ومحاولناش نتغير ، البلد ممكن تدخل ياما فى مجاعة او ثورة كبيرة محدش يقدر يسيطر عليها ، تحب بلدك تبقى كده؟ ، البلد فعلا فى طريقها لكده ، شوف الصور دى وبعدين نشوف[IMG]
[/IMG][IMG]
[/IMG][IMG]
[/IMG]شفت احنا فى طريقنا لكده ، ممكن نبقى كده ، ويمكن دول كويسين شوية ، فيه فى الارياف والقرى محافظات الصعيد ماهو أدهى وأمر
************************************************** *طيب ، دلوقتى نتكلم فى موضوع الحملة ، بعد ماتقرى الكلام اللى فوق ده اكيد هاتبقى واحد من تلاتة:1- مش فى دماغك وعندك لا مبالاة ، يبقى تخرج من الموضوع من اساسه، احنا مش عاوزين غيرالناس اللى عاوزة تساعد وقلبها على نفسها وعلى البلد وشكرا لتشريفك الموضوع.2- 2-عاوز تساعد بس مش هاتقدر ، لا تقدر تساعد اكتر حتى من اللى يقدر يساعد ـ ازاى؟ هاقولك : * ممكن تطوع فى المشروع ،وده مش عيب ولا غلط ولا حرام على فكرة ، فى اوربا والدول المتقدمة بيتطوعوا، مش ده احسن من قعدة النت او الكافيه او النوم طول النهار الخ، اسمك بتشغل وقتك فى الصيف ، وبتعمل حاجة لنفسك بانك تساعد فى توصيل الحسنة لاصحابها ، وكمان بتعمل حاجة لبلدك ، وصدقنى عمل الخير طعمه حلو جدا .* لو مش قادر تنزل وتتطوع بايدك ، فيه حاجات تانية ،حاجات ممكن تغيرك انت كمان للاحسن ، شوف انت بتاخد مصروف اد ايه ، وبتعمل بيه ايه ، بتصرف اد ايه على الموبايل ، وبتصرف اد ايه على الاكل ، ويمكن بعد كده بترميه او مش بتكمله ، او ساعات تجيب اكل فى البيت تحطه فى التلاجة وتنساه بعدها تلاقيه باظ ، كلنا بيحصله كده، طب بدل ما تضيع فلوسك على حاجات ممكن مش ليها لازمة ، وفر فلوسك على حاجة مفيدة تقدر تساعد بيها غيرك ، ممكن بالفلوس دى تشترى سلع زى السكر والزيت والشاى او اى حاجة تقدر عليها ـ وتوصلها باديك للبنك ، يااااااااااااه انت يبقى ليك حسنات متقدرش تتخيلها لانك تعبت ووفرت وجيت على نفسك عشان تساعد المجتاجين ، انا بجد مش قادرة اتخيل فرحة ربنا بيك اد ايه .* لو افترضنا انك مش قادر تساعد خالص ، وفيه كتير كده على فكرة ومش عيب ، ممكن تساعد من خلال انك تنشر الموضوع فى كل المنتديات والمواقع اللى انت بتدخلها ، تخيل الثواب بقى المرة دى ، هاتاخد الموضوع كده هيلا هوب بضغطة ماوس وتحطه فى منتدى تانى ، شوف كام واحد هايدخل الموضوع ويعحبه ويساعد ، انت هاتاخد ثوابه ، شوف كام واحد هاينشر الموضوع فى كام منتدى غيراللى انت بتدخله ، وانت قاعد تاخد حسنات وانت قاعد قدام الجهاز ، وشوف كام واحد قاعد يدخل وعاوز يساعد ، انت عارف ممكن عداد الحسنات يضرب من كتر العد ، وكلها حسنات شغالة جارية طول مافيه ناس بتحاول تنشر الفكرة او تساعد .، ده غير طبعا أنك تقدر تاخد لينك الموضوع بكل بساطة وتحطه فى توقيعك ، وكل ما تدخل ناس اكتر التوبيك وتساعد كل لما حسناتك تزيد.3- انك فعلا تقدر تساعد مادياً ، وده المهم فعلا ، لان البنك مؤسسة خيرية لا تهدف للربح ، ومحتاجة تبرعات مادية وعينية ، وعلى فكرة غير انك ممكن تساعد بالفلوس او بالمنتجات ، تقدر تعمل كل اللى فات ده كمان ، ويابختك بالحسنات اللى هاتجيلك ، شوف هاتساعد كام واحد ، شوف هاتكون السبب فى فرحة كام طفل وكام اسرة ، شوف مقامك عند ربنا هايبقى ازاى .
************************************************دلوقتى نتكلم عن طرق التبرع والمساعدة 1- لو عندك فيزا ، تقدر تدخل هـــنــــــا وتملى البيانات الخاصة بيك وتحدد المبلغ اللى هاتتبرع بيه 2- لو مش عندك فيزا وعاوز تدفع فلوس او تحول من رصيدك ، فرقم الحساب الخاص بالبنك هو 888777 لدى البنوك التالية: •بنك مصر •البنك التجاري الدولي (CIB) •البنك الأهلي المصري •بنك فيصل الإسلامي •البنك العربي الأفريقي الدولي •بنك الأهلى سوسيتيه جينيرال NSGB •بنك كاليون Calyon3- تقدر تتبرع على طول لمقر البنك فى 92 شارع التحرير برج ساريدار –الدور العاشر – الدقىوللمراسلة على :info@Egyptianfoodbank.comولو انت عاوز تتطوع مع البنك ادخل هنا :واملا الاستمارة وساعد فى توصيل الاكل للناس المحتاجةوده رقم تليفون البنك لو انت عاوز اى معلومات تانية :16060او الرقم ده 02-25080000
يارب نكون قدرنا نعمل اى حاجة ولو صغيرة لنفسنا وبلدنا ، يارب البلد دى تتغير للاحسن على ايدينا

حملة لمساندة بنك الطعام المصرى ، اتبرع ولو بفكرة

[CENTER][U][I][COLOR=Blue][SIZE=6][FONT=Arial]بسم اللـــــــــــــــــه الرحمـــــــــــن الرحيـــــــــــــــــــــــم[/FONT][/SIZE][/COLOR][/I][/U][/CENTER]
[SIZE=5][FONT=Arial][COLOR=Blue]من أسبوع تقريباً ، وعلى شاشة قناة الأوربت فى برنامج "القاهرة اليوم "، عرض تحقيق عن مشروع خيري فى مصر وهو " بنك الطعام المصري" ، وأعتقد أن الكثيرين قد سمعوا بهذا المشروع من قبل ، وأعتقد أن الكثيرين ممن سمعوا عنه من قبل لم يضعوه في اعتبارهم أو لم يتوقفوا عنده كثيراً لإيمانهم المطلق بأن مصر تسير من سئ لأسوأ ، وأن اى شئ جيد لابد وأن يكون أمامه مقابل.وأعترف أنني كنت واحدة من هؤلاء الغير " متفائلين" بمستقبل مصر ، حتى شاهدت أنا وبعض الأعضاء معنا هنا فى المنتدى التحقيق المعروض ، واندهشنا بالفعل للمستوى الرائع الذى يقدمه هذا المشروع ، وهذا دفعنا للقيام بحملة لمساندة هذه المشروع الرائع والمشرف ، والذي يدل بالفعل على أصالة الشعب المصري ، وحبه لمساعدة الخير.ودفعنا ذلك أيضاً للبحث عن موقع البنك ونعرف عنه معلومات اكتر واكتر ، وسنضع هنا بعض المعلومات التي وجدناها على الموقع:[/COLOR][/FONT][/SIZE][U][I][FONT=Arial][COLOR=Red][SIZE=6]ما هو بنك الطعام? [/SIZE][/COLOR][/FONT][/I][/U]
•[I][COLOR=blue][SIZE=5][FONT=Arial]كيان خيري تنموي هدفه توفير وتوصيل الطعام للأيتام وكبار السن والأرامل والأسر المحتاجة و الأشخاص غير القادرين على العمل و الكسب تقوم فكرة بنك الطعام المصري على تلقي التبرعات النقدية و العينية والأغذية غير المستغلة الفائضة عن طريق جمعها من مختلف الشركات والهيئات والمؤسسات و الأفراد و الاستفادة منها في توفير الطعام بصفة دورية للمحتاج الحقيقي والاستثمار في بعض المشاريع الإنتاجيه لتوفير فرص عمل للشباب وضمان موارد ثابته للب[/FONT][/SIZE][/COLOR][/I]نك
[COLOR=blue][CENTER][SIZE=5][FONT=Arial]يعنى الموضوع كله خيرى، بيقدم خدمات للغير قادرين على توفير السلع الغذائية ، ومااكثرهم فى مصر ، وللاسف هم فى تزايد[/FONT][/SIZE][/CENTER][/COLOR]
[SIZE=5][FONT=Arial][COLOR=blue]لمزيد من المعلومات ، موقع البنك من [URL="http://www.egyptianfoodbank.com/Bank.asp?strdoc=About"]هــــنـــا[/URL][/COLOR][/FONT][/SIZE]
[COLOR=blue][SIZE=5][FONT=Arial]ولو انت مش بتحب الرغى والتدوير فى النت ، ممكن تشوف التغطية المميزة اللى عملتها قناة الاوربت على الموضوع ده[/FONT][/SIZE][/COLOR]
[CENTER][SIZE=5][COLOR=blue][FONT=Arial][URL="http://www.arabtube.tv/videos/Shows/_Amr_Adeeb/Amr_Adeeb__Bank_Elta3am_p1"]الجزء الاول[/URL][/FONT][/COLOR][/SIZE]
[COLOR=blue][SIZE=5][FONT=Arial][URL="http://www.arabtube.tv/videos/Shows/_Amr_Adeeb/Amr_Adeeb__Bank_Elta3am_p2"]الجزء الثانى[/URL][/FONT][/SIZE][/COLOR]
[SIZE=5][COLOR=blue][FONT=Arial][URL="http://www.arabtube.tv/videos/Shows/_Amr_Adeeb/Amr_Adeeb__Bank_Elta3am_p3"]الجزء الثالث[/URL]
[URL="http://www.arabtube.tv/videos/Shows/_Amr_Adeeb/Amr_Adeeb__Bank_Elta3am_p4"][U]الجزء الرابع[/U][/URL][/FONT][/COLOR][/SIZE][/CENTER]
[COLOR=blue][SIZE=5][FONT=Arial]لا نود التحدث كثيراً عن المشروع بقدر ما نود أن نتحدث عن كيفية مساعدة المشروع ، المشروع ده يا جماعة ممكن يكون بداية لمشاريع تانية كتير نقدر نغير بيها بلدنا للاحسن ، وبايدينا مش بايد الحكومة.[/FONT][/SIZE][/COLOR][COLOR=blue][SIZE=5][FONT=Arial]بس قبل مانتكلم عن ازاى نساعد المشروع ، ممكن حد يسألنى [/FONT][/SIZE][/COLOR]،
[U][I][FONT=Arial][SIZE=5][COLOR=blue][COLOR=Red]إحنا ليه أصلا هانساعد؟[/COLOR][/COLOR][/SIZE][/FONT][/I][/U]
[SIZE=5][FONT=Arial][COLOR=Blue]الأسباب كتيرة جدا ، اولها سبب دينى بحت [/COLOR][/FONT][/SIZE][COLOR=red][I][SIZE=5][FONT=Arial]عاوزة أسالك سؤال وتجاوب عليه بينك وبين نفسك ، إنت فاكر الخطايا اللى ارتكبتها فى حياتك من ساعة ما اتولدت لغاية دلوقتى ولا لا؟طب فيه ذنب محدد انت بتعمله وعاوز تبطله ومش قادر؟تفتكر انت لو قابلت ربنا دلوقتى هاتقابله ازاى؟[/FONT][/SIZE][/I][/COLOR][COLOR=Red][I][SIZE=5][FONT=Arial]تفتكر انت عملت بما فيه الكفاية فى دنيتك من حسنات عشان تكون مستعد لاخرتك؟[/FONT][/SIZE][/I][/COLOR]
[COLOR=Blue][SIZE=5][FONT=Arial]اكيد كلنا مش عارفين احنا ارتكبنا ذنوب اد ايه ، واكيد مش عارفين هل الحسنات اللى عملنها وهانعملها هاتخلينا ندخل الجنة ولا لا، واكيد فيه ناس مننا – او يمكن كلنا – بنعمل ذنوب ومستمرين عليها ، ومش عارفين نبطلها او عاوزين نبطلها ومش عارفين[/FONT][/SIZE][/COLOR][COLOR=Red][SIZE=5][FONT=Arial]ايه علاقة الكلام ده بموضوع الحملة ؟ لا ليه علاقة وثيقة جداً[/FONT][/SIZE][/COLOR][COLOR=Blue][SIZE=5][FONT=Arial]انت لما تتبرع لبنك الطعام مش دى تبقى صدقة عند ربنا سبحانه وتعالى ؟ ، انت فى الحالة دى بتساهم فى إطعام المساكين والمحتاجين ، وكمان أنت بتقرض الله قرضاً حسنا ، أنا؟ أقرض ربنا؟ انتى بتقولى ايه؟ ايوة انت بأى حاجة صغيرة بتساعد بيها اى انسان مسكين خلقه ربنا تبقى بتقرض الله قرضاً حسنا ، مش ربنا قال " [I][COLOR=Green]من ذا الذي يقرض الله قرضا حسنا فيضاعفه له أضعافا كثيرة [/COLOR][/I]{البقرة: 245" ، وكمان ربنا سبحانه وتعالى قال " [COLOR=green][I]إن المصدقين والمصدقات وأقرضوا الله قرضا حسنا[/I][/COLOR] [COLOR=green][I]يضاعف لهم ولهم أجر كريم [/I][/COLOR]{الحديد: 18} والتي أوضحت بأن "المتصدقين والمتصدقات لا يتفضلون على آخـذي الصدقات، ولا يتعاملون في هذا مع الناس، إنما هم يقرضون الله ويتعاملون مباشرة معه، فأي حافز للصدقة أوقع وأعمق من شعور المعطي بأنه يقرض الغني الحميد، وأنه يتعامل مع مالك الوجودومن الاحاديث الدالة على اهمية الصدقة ، قوله صلى الله عليه وسلم : "[COLOR=green][I]ما تصدق أحد بصدقة من طيب ـ ولا يقبل الله إلا الطيب ـ إلا أخذها الرحمن بيمينه ـ وإن كان تمرة ـ فتربو في كف الرحمن حتى تكون أعظم من الجبل؛ كما يربي أحدكم فُلُوَّه أو فصيله"، ومنها: قوله صلى الله عليه وسلم : "من أنفق نفقة في سبيل الله كتب له سبع مئة ضعف" قال المباركفوري: "وهذا أقل الموعود، والله يضاعف لمن يشاء".[/I][/COLOR][/FONT][/SIZE][/COLOR][COLOR=Blue][SIZE=5][FONT=Arial]معنى كده ان انت لو تصدقت بنية الصدقة ولو بحاجة صغيرة ربنا هايكتبلك حسنات لا أحد يعلم عددها الا الله ، فما بالك لو كانت صدقة خاصة باطعام يتامى او مساكين أو محتاجين ؟مش بس كده ، الصدقة مش بس حسنات بتاخدها ، لا ، دى بتغفرلك سيئات انت ارتكبتها فى حياتك ، بجد ؟ يعنى انا لما اتصدق ربنا ممكن يغفرلى؟ اكيد، عارف ليه؟ اقولك ليه [/FONT][/SIZE][/COLOR]
[COLOR=blue][SIZE=5][FONT=Arial]جعل الله الصدقة سبباً لغفران المعاصي وإذهاب السيئات والتجاوز عن الهفوات، دلت على ذلك نصوص الكتاب والسنة، ومنها: قوله ـ تعالى ـ : [COLOR=Green][I]إن الحسنات يذهبن السيئات [/I][/COLOR]{هود: 114} والذي هو نص عام يشمل كل حسنة وفعل خير، والصـدقـة مـن أعظــم الحسنات والخيرات فهـي داخـلة فيـه بالأولويــة، وقــوله ـ سبحانه ـ: [COLOR=green][I]إن المسلمـــين والمسـلـمـــات... والمتصـدقــين والمتصدقــات... أعد الله لهـــم مغفــرة وأجــرا عظيما {الأحــــزاب: 35} وقوله ـ عــز وجــل ـ: وسارعوا إلى" مغفرة من ربكم وجنة عرضها السمـوات والأرض أعـدت للمتقـين 133 الذيـن ينفقـون في السـراء والضـراء والكاظمـين الغيـظ [/I][/COLOR][COLOR=green][I]والعافين عن الناس والله يحب المحسنين [/I][/COLOR]{آل عمران: 133، 134} والتي أفادت أن من أول وأجلِّ ما تنال به مغفرة الله للخطايا وتجاوزه عن الذنوب: الإنفاق في مراضيه سبحانه.ومن النصوص الدالة على ذلك أيضاً: قوله صلى الله عليه وسلم : "[COLOR=green][I]تصدقوا ولو بتمرة؛ فإنها تسد من الجائع، وتطفئ الخطيئة كما يطفئ الماء النار"، وقوله صلى الله عليه وسلم : "والصدقة تطفئ الخطيئة كما يذهب الجليد على الصفا[/I][/COLOR]"، وما أخرجه البخاري في صحيحه في باب: الصدقة تكفر الخطيئة من حـديث حذيفـة ـ رضي الله عنه ـ وفيه: "فتنة الرجل في أهله وماله وولده وجاره تكفرها الصلاة والصدقة والمعروف"، ، وقال محمد بن المنكدر: "من موجبات المغفرة: إطعام المسلم السغبان". قال بعض أهل العلم عقب إيراده له: "وإذا كان الله ـ سبحانه ـ قد غفر لمن سقى كلباً على شدة ظمئه فكيف بمن سقى العطاش، وأشبع الجياع، وكساالعراة من المسلمين؟"
شفت ازاى انك ممكن بالصدقة تعفو عن ذنوبك وسيئاتك ؟ شفت الموضوع سهل ازاى بس انت اللى مش عارف ومش واخد بالك ؟ بس استنى هنا ، الموضوع مش بس حسنات وغفران للذنوب ، الكلام ده هاينفعك فى الآخرة ، طب انت نسيت الدنيا ؟ الصدقة ليها مزايا فى الدنيا كمان ؟ ازاى الكلام ده ؟ اقولك ازاى
تحفظ الصدقة المال من الآفات والهلكات والمفاسد، وتحل فيه البركة، وتكون سبباً في إخلاف الله على صاحبها بما هو أنفع له وأكثر وأطيب، دلت على ذلك النصوص الثابتة والتجربة المحسوسة؛ فمن النصوص الدالة على أن الصدقة جالبة للرزق قول الذي ينابيع خزائنه لا تنضب وسحائب أرزاقه لا تنقطع واعداً من أنفق في طاعته بالخلف عليه: [COLOR=green][I]وما أنفقتم من شيء فهو يخلفه وهو خير الرازقين {سبأ: 39[/I][/COLOR]ومن النصوص الدالة أيضاً على أن الصدقة بوابة للرزق ومن أسباب سعته قوله ـ عز وجل ـ في الحديث القدسي: "[COLOR=green][I]يا ابن آدم أَنفقْ أُنفقْ عليك، وقوله صلى الله عليه وسلم : "ما فتح رجل باب عطية بصدقة أو صلة إلا زاده الله بها كثرة"، وقوله صلى الله عليه [/I][/COLOR]وسلم : "[COLOR=green][I]ما من يوم يصبح العباد فيه إلا ملكان ينزلان فيقول أحدهما: اللهم أعط منفقاً خلفاً، ويقول الآخر: اللهم أعط ممسكاً تلفاً". [/I][/COLOR]وفي المقابل جاءت نصوص عديدة ترد على فئام من الخلق ظنوا أن الصدقة منقصة للمال، جالبة للفقر، مسببة للضيعة، فأبانت أن الصدقة لا تنقص مال العبد، وأن شحه به هو سبب حرمان البركة وتضييق الرزق وإهلاك المال وعدم نمائه، ومن هذه النصوص قوله صلى الله عليه وسلم : "ما نقصت صدقة من مال، وقوله صلى الله عليه وسلم : "[COLOR=green][I]ثلاث أقسم عليهن وأحدثكم حديثاً فاحفظوه، فأما الثلاث التي أقسم عليهن: فإنه ما نقص مال عبد من صدقة..."، [/I][/COLOR]والتجربة المحسوسة تثبت أن "المعونة تأتي من الله للعبد على قدر المؤونة"، وأن رزق العبد يأتيه بقدر عطيته ونفقته؛ فمن أَكثر أُكثر له، ومن أقل أُقِل له، ومن أمسك أُمسِك عليه.
يعنى من الاخر اللى هاتتصدق بيه هايرجعلك اضعاف مضاعفة ، مش بس حسنات ، لا هايقعدلك فى مالك واهلك وعيالك وصحتك ، يبقى عاوز ايه تانى؟ مش عاوز تانى ؟ اقتنعت؟ بس انا عاوزة اقولك حاجات كمان ؟ ايه؟ لسة تانى؟ صدقنى انا مقلتش كل اللى عندىمن مزايا الصدقة كمان انها ممكن تساعدك على التخلص من ذنب انت مداوم عليه ومش عارف تخلص منه ، ازاى؟شوف الكلام الجاى وانت تعرف
تطهر الصدقة النفس من الرذائل وتنقيها من الآفات، وتقيها من كثير من دواعي الشيطان ورجسه، ومن ذلك: أنها تبعد العبد عن صفة البخل وتخلصه من داء الشح الذي أخبر ـ سبحانه ـ بأن الوقاية منه سبب للفلاح وذلك في قوله ـ عز وجل ـ: [COLOR=green][I]ومن يوق شح نفسه فأولئك هم المفلحون [/I][/COLOR]{الحشر: 9}، ويُذهِب الله بها داء العجب بالنفس والكبر والخيلاء على الآخرين والفخر عليهم بغير حق، كما أنها من مسببات عدم حب الذات حباً مذموماً، ومن دواعي نبذ الأثرة والأنانية، وعدم الوقوع في شيء من عبودية المال وتقديسه وهو ما دعا على فاعله النبي صلى الله عليه وسلم بالتعاسة والانتكاسة فقال: "تعس عبد الدينار وعبد الدرهم وعبد الخميصة... تعس وانتكس وإذا شيك فلا انتقش"وفي المقابل فالصدقة تهذب الأخلاق وتزكي النفس وتربي الروح على معالي الأخلاق وفضائلها؛ إذ فيها تدريب على الجود والكرم، وتعويد على البذل والتضحية وإيثار الآخرين، وفيها سمو بالعبد وانتصار له على نفسه الأمارة بالسوء، وإلجام لشيطانه، وإعلاء لهمته؛ إذ تُعلق العبد بربه وتربطه بالدار الآخرة، وتزهده بالدنيا؛ وتضعف تَعلُّق قلبه بها.ويدل لذلك قوله ـ تعالى ـ: [COLOR=green][I]خذ من أموالهم صدقة تطهرهم وتزكيهم بها [/I][/COLOR]{التوبة: 103}كما يدل لذلك أيضاً قوله ـ عز وجل ـ: [COLOR=green][I]يا أيها الذين آمنوا إذا ناجيتم الرسول فقدموا بين يدي نجواكم صدقة ذلك خير لكم [/I][/COLOR][COLOR=green][I]وأطهر[/I][/COLOR] {المجادلة: 12} والذي أبان الله فيه بأن الصدقة سبب لنيل الخيرية وطهرة للنفس من الأدناس وتخلية لها من الرذائل.
شفت اد ايه الصدقة حلوة؟ شفت اد ايه ربنا بيبارك فى مالك لو تصدقت ول بحاجة بسيطة؟ شفت اد ايه دينا حلو وسلس وجميل واد ايه ربنا رحيم وبيحبنا؟ يبقى ليه متتحركش؟ يبقى ليه متتصدقش؟[/FONT][/SIZE][/COLOR]
[CENTER]**************************************************[/CENTER]
[SIZE=6]يتبع[/SIZE] >>>>>>>>>>>>>>>